Rroba në vlerë prej 10 mijë eurove shkojnë për Teshavesha

Albi Group dhuron rroba në vlerë prej 10 mijë  Euro për dyqanin e ri Teshavesha

Dyqani Teshavesha po vjen me pikën e dytë të shitjes falë mbështetjes së donatorëve dhe atë të qytetarëve. Këtë radhë, për herë të parë për Teshavesha dhe si partner besnik i fondacionit Aksioni pë Nëna dhe Fëmijë qendra tregtare Albi Mall pjesë e Albi Group, ka dhuruar produkte të reja të tekstilit në vlerë prej 10,000 Euro.

Pika e re e Teshavesha zgjeron veprimtarinë në një pjesë tjetër të qytetit, në rrugën Armend Daci nr.12, në Prishtinë, apo më lehtë për referim përballë memorialit të Enver Malokut, dhe vazhdon të jetë i hapur çdo ditë të javës prej orës 10:00 – 18:00 si dhe të shtunave prej 12:00 – 16:00. Gjatë këtij orari qytetarët mund të sjellin donacionet e tyre dhe të blejnë në këtë dyqan bamirës.

Teshavesha vazhdon të bëj pranimin dhe shitjen e rrobave të dorës së dytë nga qytetarët, ndërsa të hyrat nga shitjet e dyqanit ndihmojnë shëndetin e nënave dhe fëmijëve duke financuar projektet e këtij fondacioni si: blerjen e medikamenteve, zhvillimin e projektit të transportit neonatal, blerjen e pajisjeve mjekësore, si dhe zgjerimin e shërbimeve të qendrave informuese për shëndetin e gruas “Klasat për Nënat”./21Media

Back to top button