Albumi me cicërima të zogjve ia kalon yjeve botërore

Një album i përbërë tërësisht nga cicërimat dhe zhurmat e zogjve australianë ka debutuar në top pesëshen e top listave muzikore Aria të vendit.
“Songs of Disappearance” po i kalon ato si Abba dhe The Weeknd – për të mos përmendur të preferuarit e Krishtlindjeve Michael Bublé dhe Mariah Carey.
Krijuar nga BirdLife Australia, albumi përmban këngët e zogjve të 53 specieve më të kërcënuara të Australisë.
Disa tinguj u deshën orë të tëra në pritje në shkurre për të regjistruar një cicërim të shkurtër, transmeton rtv21.tv.
David Stewart, një regjistrues i tingujve të kafshëve të egra, ka shpenzuar më shumë se 30 vjet duke mbledhur tinguj të kafshëve të egra të Australisë që shpesh dëgjohen rrallë. Janë regjistrimet e tij të shpendëve që janë përdorur në album.
Kur u publikua më 3 dhjetor, filloi një fushatë në media sociale për ta futur albumin në listat e shitjeve të muzikës Aria të Australisë – dhe funksionoi. “Songs of Disappearance” ka bërë histori duke u bërë albumi i parë i këtij lloji që renditet në top pesëshen.
Të ardhurat nga shitjet do të shkojnë për projektet e ruajtjes së zogjve.
Një në gjashtë zogj australianë tani janë të kërcënuar, sipas një studimi të Universitetit Charles Darëin – domethënë 216 nga 1299 specie.
Studimi, i cili përfshinte të dhëna nga më shumë se 300 ekspertë të shpendëve, zbuloi se ndryshimi i klimës po i shtynte speciet më pranë zhdukjes.
Zjarret masive të 2019 dhe 2020 shkatërruan habitatin e tyre dhe BirdLife Australia vlerëson se numri i specieve të kërcënuara të shpendëve është rritur deri në 25%./21Media