Aleanca i vë vijë të kuqe Kurtit
(Lajm i përditësuar)
Ardian Gjini, nënkryetar i AAK-së konfirmoi këtë të mërkurë në emisionin “Click” në RTV21 se Aleanca ia ka vënë një vijë të kuqe kryeministrit, Albin Kurtit, duke thënë se nuk meriton jetëgjatësi dhe se AAK-ja nuk ia bën këtë favor Kurtit.
“Në Aleancë tanimë është cementuar bindja që Kosova nuk meriton me ia zgjatë jetën Kurtit në qeverisje edhe Aleanca nuk ia bën këtë fabvor z.Kurtit dhe as disfavor Kosovës në të njëjtën kohë. Le ta kenë të kjart, as sot dhe as mas zgjedhjeve!”, tha ai duke e konfirmuar se ia kanë vënë një vijë të kuqe Kurtit.
Ndërsa, ai shtoi se Kurti nuk e meriton pasi që sipas tij, ai i ka shkaktuar dëmë të mëdha vendit.
Gjini: Nëse bëhet Asociacioni, kurrgjë s’e gjen Kosovën, veç më mirë bëhet
Nënkryetar i AAK-së,Ardian Gjini, sonte në emisionin “CLICK” në RTV21 tha se as Amerika, as Evropa nuk po kërkon favore për vete, por për ne.
Ai tha se është mbushur mendja e popullit se nëse realizohet Asociacioni, shkatërrohet Kosova, megjithatë sipas tij është e kundërta dhe bëhet “veç më mirë”.
“Na ia kemi mushë menen popullit të Kosovës që me bo një Asociacion, shkatërrohemi na krejt, prej Kaçanikut deri në Mitrovicë, shkatërrohet krejt Kosova. Po është rrenë, është mit, kurgjo nuk e gjen Kosovën veç bohet ma mirë. Se atëherë e shtrinë sovranititetin”, tha ai./21Media