Ambasada e Kosovës në Shkup konfirmon vdekjen e 25-vjeçares nga Kosova në Tetovë
(Lajm i përditësuar)
Ambasada e Kosovës në Shkup konfirmon vdekjen e 25-vjeçares nga Kosova në Tetovë
Një ngjarje tragjike ka ndodhur këtë mbrëmje në Tetovë.
Sipas TV21, një vajzë 25-vjeçare nga Kosova ka humbur jetën, e njëjta raportohet se po qëndronte në një ndërtesë në Tetovë për gati 3 vjet, pasi po ndiqte edhe studimet master në këtë qytet.
Rastin e ka konfirmuar edhe Ambasada e Republikës së Kosovës në Shkup, përmes një postimi në Facebook, ku ka thënë se është në kontakt të vazhdueshëm me autoritetet maqedonase.
“Ambasada e Republikës së Kosovës në Shkup është njoftuar para pak orësh nga Policia Rajonale e Tetovës se sot, rreth orës 18:00, në një lagje të këtij qyteti është gjetur pa shenja jete një shtetase e Republikës së Kosovës. Ambasada ka vendosur menjëherë kontakt me autoritetet relevante policore dhe po e ndjek nga afër zhvillimin e rastit”, thuhet në njoftimin e ambasadës. /21Media
Tragjike në Tetovë! Gjendet e vdekur një 25-vjeçare nga Kosova
Një ngjarje tragjike ka ndodhur këtë mbrëmje në Tetovë, njofton TV21
Një 25-vjeçare, me iniciale D.S., që raportohet se është nga Gjakova – Kosovë, është gjendur e vdekur.
Raportohet se ajo po qëndronte në një ndërtesë në Tetovë për gati 3 vjet, pasi po ndiqte edhe studimet master në këtë qytet.
Dyshimet e para dërgojnë drejt asaj se ajo ka rënë nga ndërtesa, megjithatë ende nuk ka informacione zyrtare.