Ambasada e SHBA-ve: Dorëheqja e Bashës meriton respekt

Ambasada e SHBA-ve në Shqipëri e ka vlerësuar vendimin e  Lulzim Bashës për dorëheqje nga Kryetar i Partisë Demokratike. Ambasada ka thënë se ky veprim meriton respekt.
Tutje në regim, ambasada thotë se vënia e interesave të partisë dhe të vendit mbi ato personale është shenjë e udhëheqësisë së vërtetë.
Aty shtohet se shpresohet që vendimi do të përcaktojë rrugën që Partia Demokratike të ecë përpara drejt së ardhmes dhe se një opozitë e fortë që mund të jetë e gatshme për të udhëhequr është thelbësore për demokracinë.
“Vendimi i marrë nga Lulzim Basha sot për t’u dorëhequr si Kryetar i Partisë Demokratike meriton respekt. Vënia e interesave të partisë dhe të vendit mbi ato personale është shenjë e udhëheqësisë së vërtetë. Shpresojmë që vendimi do të përcaktojë rrugën që Partia Demokratike të ecë përpara drejt së ardhmes; do të forcojë marrëdhënien e veçantë të Shqipërisë me Shtetet e Bashkuara; do të përforcojë mbështetjen për reformat dhe përpjekjet e tjera për qëllimin e Shqipërisë për t’iu bashkuar Bashkimit Europian; dhe do të ritheksojë parimet dhe idealet demokratike mbi të cilat u themelua. Një opozitë e fortë që mund të jetë e gatshme për të udhëhequr është thelbësore për demokracinë. Mbështetja e Shteteve të Bashkuara për demokracinë dhe përkushtimi për të luftuar korrupsionin dhe pandëshkueshmërinë mbeten të pandryshuara”.
Lulzim Basha më herët njoftoi se ka dhënë dorëheqje nga posti i kryetarit të PD-së për shkak të krizës së thellë në të cilën ndodhet partia./21Media