Ancelottit s’i trembet syri, dy orë para finales me Dortmundin e publikon formacionin zyrtar

Sezonit 2023/24 të Ligës së Kampionëve po i vjen fundi, ku sonte do të mësohet edhe skuadra e cila do ta fitojë trofeun më prestigjioz evropian.

Sonte me fillim nga ora 21:00 stadiumi “Wembley” i Londrës do të jetë nikoqir i finales së Ligës së Kampionëve mes Real Madridit dhe Borussia Dortmundit.

Të dy skuadrat kanë rezervuar tashmë vendin e tyre në kompeticionin e sezonit të ardhshëm dhe tani do të kërkojnë të përfundojnë këtë sezon aktual duke e fituar çmimin më të madh të futbollit evropian të klubeve në terrenin e shenjtë të “Wembley”.

Ndeshja e fundit mes Realit dhe Dortmundit daton në muajin dhjetor të vitit 2017, ku asokohe Reali fitoi 3:2.

Lexo po ashtuGuardiola zbulon se çfarë u ka thënë lojtarëve para ndeshjes me RealinSa i përket ndeshjes së sotme, kur kanë mbetur edhe dy orë para fillimit, Carlo Ancelotti e ka publikuar formacionin zyrtar dhe atë e gjeni më poshtë.