Angli, vetëizolimi shkurtohet në pesë ditë

Periudha minimale e izolimit për personat që rezultojnë pozitiv me Covid-19 në Angli është shkurtuar në pesë ditë të plota.
Periudha e karantinës është reduktuar pas një rishikimi të provave mjekësore, për të ndihmuar në lehtësimin e mungesës së stafit në të gjithë ekonominë.
Ndërkohë, 16 dhe 17-vjeçarët tani janë në gjendje të rezervojnë një vaksinë përforcuese ose të ndjekin një qendër vaksinimi në Angli.
Ftesat fillimisht do t’u dërgohen 40,000 adoleshentëve që kanë një dozë të dytë vaksine të paktën tre muaj më parë, transmeton rtv21.tv
Përfundimisht më shumë se 600,000 njerëz të moshës 16 dhe 17 vjeç, të cilët kanë marrë dy doza do të kenë të drejtë për përforcues.
Të dielën, 70,924 raste pozitive me Covid-19 u raportuan në të gjithë Mbretërinë e Bashkuar, shifra më e ulët ditore që nga 14 dhjetori. U regjistruan edhe 88 vdekje të tjera brenda 28 ditëve nga një test pozitiv./21Media

Back to top button