“Anonymous” thotë se ka hakuar faqen e presidentit Vuçiq

5 Janar, 2023Përditesimi i fundit: 5 Janar, 2023

Grupi i hakerëve Anonymous publikoi të enjten një tjetër porosi në llogarinë e tij në Twitter, në të cilin pretendon se pas faqes së Ushtrisë Serbe, ka hakuar edhe faqen e presidentit të Serbisë, Aleksandar Vuçiq.
“Nëse ai dëshiron të luajë me zjarrin, le të fillojmë. vucic.rs nuk funksionon”, tha grupi Anonymous në llogarinë e tij në Twitter, i cili ka një flamur ukrainas pranë emrit të grupit.


Grupi i hakerëve “Anonymous” edhe një herë i ka dërguar kërcënime presidentit të Serbisë, Aleksandar Vuçiq duke i kërkuar të ndalojë destabilizimin e rajonit dhe mbështetjen e Rusisë. Grupi “Anonymous” thotë se kanë nisur “Operacionin Serbia”, duke shtuar se në ditët e kaluara janë hakuar disa faqe të internetit të Qeverisë së Serbisë.
Mediat në Serbi thanë se faqja e Presidentit të Serbisë është ende duke punuar, si edhe faqja e Ushtrisë Serbe, të cilën Anonymous në një nga postimet e tyre të mëparshme në Twitter e kanë deklaruar se është hakuar.
Grupi i hakerave “Anonymous” publikoi një video-mesazh për tensionet në Kosovë në fund të vitit të kaluar dhe kërcënoi Serbinë dhe presidentin Aleksandër Vuçiç, me porosinë se “duhet të presin pasojat pas tensioneve që kanë shkaktuar gjatë dy javëve në Kosovë”.


Për afro 20 ditë në pjesën veriore të Kosovës grupe të serbëve lokalë vendosën barrikada në pjesën veriore të Kosovës të cilat u hoqën pasi u arrit një pajtueshmëri për ndryshimin e masës së paraburgimit në atë të arrestit shtëpiak për ish-pjesëtarin serb të Policisë së Kosovës, Dejam Pantiq, të dyshuar për shpërthimet në objektet e Komisioneve Komunale të Zgjedhjeve./21Media

Tags
5 Janar, 2023Përditesimi i fundit: 5 Janar, 2023
Back to top button