Arrestohen 4 të dyshuar për keqpërdorim me çeqe, kartela krediti e banke

Policia e Kosovës ka arrestuar katër personave të dyshuar për përfshirje në veprën penale “lëshim i çeqeve pa mbulesë ose të rremë dhe keqpërdorim i kartelave të bankës apo të kreditit”.
“Hetuesit policorë nga Drejtoria për Hetimin e Krimit të Organizuar, respektivisht Sektori për Hetime të Krimeve Kibernetike, nën dyshimin e përfshirjes së disa të dyshuarve në veprën penale ‘lëshimi i çeqeve pa mbulesë ose të rremë dhe keqpërdorimi i kartelave të bankës apo të kreditit’, pas kryerjes së hetime paraprake, sot kanë zbatuar urdhëresën e gjykatës për kontrollin e lokacioneve të të dyshuarve”, thuhet në njoftimin e Policisë së Kosovës.
Policia ka kryer kontrolle në katër lokacione në rajonin e Ministrisë Jugu, ku sipas tyre janë gjetur e sekuestruar disa prova materiale të cilat do të përdorën në procedurë të mëtejme. Gjatë operacionit policor janë arrestuar katër të dyshuar: E.S., (viti i lindjes 2000, mashkull kosovar), I.P., (viti i lindjes 2002, mashkull kosovar), A.S., (viti i lindjes 2001, mashkull kosovar) dhe E.S., (viti i lindjes 2002, mashkull kosovar).
Këta persona dyshohen që kanë keqpërdorur kartela bankare, duke siguruar në mënyra të paligjshme të dhëna të kartelave bankare të cilat pastja i kanë përdorur për blerjen e mallrave të ndryshme.
“Dyshohet se këta të dyshuar kanë keqpërdorur kartela bankare, duke siguruar në mënyrë të paligjshme të dhëna të kartelave bankare, kartelat pastaj i kanë përdorur për blerje të mallrave të ndryshme. Të dyshuarit janë intervistuar dhe më pas me aktvendim të prokurorit, tre të dyshuarit e parë dërgohen në mbajtje deri ne 48 orë, kurse lënda ndaj të dyshuari të katër do të zhvillohet në procedurë të rregullt”, thuhet në njoftim./21Media