Arrestohen taksistët për kontrabandim me migrantë
Ishin të rezervuar për bartjen e rreth 20 imigrantëve
Pesë persona të dyshuar për kontrabandim me migrantë janë arrestuar dje rreth orës 14:00 në Vërmicë.
Sipas policisë të dyshuarit janë taksistë dhe ishin të rezervuar për bartjen e rreth 20 imigrantëve nga Siria.
“Janë arrestuar pesë të dyshuar meshkuj K-Shqiptarë (taksistë), pasi që të njëjtit kanë qenë të rezervuar për bartjen e rreth 20 imigrantëve nga Siria përmes Shqipërisë për në Kosovë”, ka sqaruar Policia e Kosovës.
Me vendim të prokurorit, të dyshuarit janë dërguar në mbajtje./21Media