Arrestohet i dyshuari për vrasjen e gazetarit Jamal Khashoggi

Një burrë saudit i dyshuar për përfshirje në vrasjen e gazetarit Jamal Khashoggi është arrestuar në Francë të martën, sipas BBC News.
Khaled Aedh Al-Otaibi është arrestuar në aeroportin “Charles-de-Gaulle”.
Ai është një nga 26 sauditët e kërkuar nga Turqia për vrasjen e një gazetari. Ish-roja mbretërore saudite ka udhëtuar me emrin e tij dhe është ndaluar në gjykatë.
Khashoggi, një kritik i shquar i qeverisë në Riad, është vrarë në konsullatën saudite në Stamboll në tetor të vitit 2018.
Arabia Saudite ka deklaruar se ish-gazetari i Washington Post është vrarë në një “operacion rebel nga një ekip agjentësh të dërguar për ta bindur atë të kthehej në mbretëri”.
Megjithatë, zyrtarët turqë kanë thënë se agjentët kanë vepruar me urdhra nga nivelet më të larta të qeverisë saudite./21Media