Arrestohet një 42 vjeçar në Prizren

Policia e Kosovës ka arrestuar një person për veprën “Lëndim i rëndë trupor”.
Xh.B, 42 vjeçar, dyshohet se ka sulmuar një person në një lokal të natës në rrugën “Ismail Kryeziu” në Prizren.
Policia ka njoftuar se viktima kishte pësuar lëndime nga goditjet me grushte në fytyrë, dhe është duke u trajtuar në spitalin rajonal të Prizrenit.
I dyshuari është intervistuar dhe me vendim të Prokurorit të shtetit është ndaluar për 48 orë. Rasti është duke u hetuar./21Media