Arrestohet për haraç serbi që pranoi se kishte djegur veturat në Zubin Potok
Dy persona të komunitetit serb janë arrestuar dje në Zubin Potok për një vepër penale të cilën e kanë kryer për 15 vjet. Sipas Policisë, bëhet fjalë për dy meshkuj, të cilët u arrestuan dje për zhvatje ose shantazh ndaj një personi mashkull në periudhën 2008-2023.
KosovaPress mëson se njëri nga të arrestuarit, Millovan Bozoviq, është serbi që kishte pranuar se ka djegur veturat e bashkëqytetarëve të Zubin Potok pasi kanë konvertuar targat e veturave te tyre në RKS.
Burime të KosovaPress-it bëjnë të ditur se personi qe ka raportuar rastin për haraç ndaj tij, ka deklaruar se arsyeja ka qenë bashkëpunimi i tij me shqiptarë.
Në të njëjtën kohë, policia është në kërkim të një të dyshuari tjetër për të njëjtin rast.
Dëshiron ta dëgjosh këtë lajm me zë?