Arrestohet rahoveciani që vodhi në xhami dhe dyqane

Policia sot ka informuar se në Rahovec ka arrestuar një person për kryerjen e disa veprave penale “Vjedhje të rënda”.
“Datë 10.01.2022 pas veprimeve të sukseseshme  hetimore, dhe në bashkpunim me Prokurorinë e Shtetit, policia nga  Stacioni policor në Rahovec, ka arritur të identifikoj, lokalizoj dhe të arrestoj tani  të dyshuarin: A. R. Lindur 01.04.2003, sh/k.”, ka informuar policia.
A.R sipas policisë dyshohet për disa raste të vjedhjeve serike, kryesisht të ndodhura gjatë muajit dhjetor 2021 dhe muaji janar 2022, të kryera në disa xhami dhe disa dyqane ushqimore në qytetin e Rahovecit, i vetëm dhe në grup.
“I njëjti gjatë intervistës së dhënë në prezencën e avokatit mbrojtës, ka pranuar se këto vepra i kanë kryer në bashkëkryerje me dy persona tjerë të dyshuar, të cilët janë në kërkim nga njësitet policore për lokalizim dhe arrestim. Nga i dyshuari është  kuptuar se në të gjitha keto vende ku jan kryer vjedhjet kanë marrë para në vlera jo të mëdha, cigare të llojeve të ndryshme dhe artikuj ushqimor, dhe të njejtat i kan ndar mese vete, dhe i kan  shpenzuar.”, ka informuar tutje policia.
Lidhur me këtë rast, Prokurori i Shtetit ka marrë vendim për ndalim të personit të dyshuar për 48 orësh./21Media