Arrin në 920 numri i viktimave si pasojë e tërmetit në Afganistan

Një tërmet i fuqishëm ka lënë të vdekur të paktën 920 njerëz dhe mbi 600 të lënduar.
Pamjet tregojnë rrëshqitjet e dheut dhe shtëpitë e rrënuara të ndërtuara nga balta në provincën lindore të Paktikas, ku ekipet e shpëtimit po përpiqen të trajtojnë të plagosurit.
Udhëheqësi i talebanëve Hibatullah Akhundzada ka thënë se qindra shtëpi u shkatërruan dhe numri i të vdekurve mund të rritet.
Zëvendësministri i tij për menaxhimin e fatkeqësive, Sharafuddin Muslim tha në një konferencë shtypi se të paktën 920 njerëz kanë vdekur dhe 600 të tjerë janë lënduar.
Tërmeti goditi rreth 44 km (27 milje) nga qyteti juglindor i Khost, pak pas orës 01:30 me orën lokale (21:00 të martën GMT), kur shumë njerëz ishin në shtëpi duke fjetur në shtretërit e tyre.
Tërmetet priren të shkaktojnë dëme të konsiderueshme në Afganistan, ku ka shumë zona rurale ku banesat janë të paqëndrueshme ose të ndërtuara keq./21Media