Arta Marku i dorëzon stafetën e kryeprokurorit Olsian Çela
Marku ia dorzoi detyrën ish-shokut të klasës
Kryeprokurorja e përkohshme në largim, Arta Marku, nuk i shmangu dot emocionet teksa i dorëzoi stafetën kreut të ri të prokurorisë së Përgjithshme të zgjedhur një ditë më parë nga Kuvendi, Olsian Çela.
Ju desh të mbushej frymë, por këtë e lidhi me lodhjen nga ngjitja e shkallëve. Duke u kthyer në kohë, Arta Marku tha se “jam munduar të punoj me përkushtim dhe integritet”. Falenderime pati për të gjithë bashkëpunëtorët vendas dhe të huaj, por edhe stafin e prokurorisë. Ndërsa fati tani e deshi që këtë detyrë të rëndësishme t’ia pasojë ish-shokut të tij të klasës.
“Kam besim që prokuroria do të ecë përpara në përmbushjen e misionit të saj kushtetues. Jam shumë e lumtur që detyrën ja pasoj një shokut tim të klasës dhe jam e sigurt që do të kaloni shumë mirë me të”, tha Marku.
Kryeprokurorit të ri gëzimi i lexohej qartazi në fytyrë për marrjen e detyrës, por duket se sfida e presin përpara.
Në në marrje të fjalës probleme pati me foninë dhe mes të qeshurave u shpreh: “Filluam me probleme”.
Ashtu si në prezantimin e tij përpara KLGJ-së, Çela i mëshoi faktit të transparencës së Prokurorisë për të rritur besimin te publiku.
“Sot më e rëndësishme se kurrë më parë është transparenca që ne duhet të sigurojmë ndaj medias dhe publikut për të rritur besimin”, tha Çela.
Për kolegen në largim shprehu konsiderata dhe bindjen se ka bërë më të mirën aq sa mund të bënte në këtë fazë tranzicioni 2 vjeçare.
Çela foli për nisje e një fazë të re të Prokurorisë. Integrimi evropian i vendit mbetet objektivi kryesor.
“Tani hyjmë në një fazë të re, faza ku po ndërtohen institucionet e reja të drejtësisë. Ka një konceptim terësor të shtetit të së drejtës, institucioneve kushtetuese, të mënyrës si operojnë. Kërkon angazhim të ri, konceptim të ri për mënyrën sesi prokuroria duhet të funksionojë. Janë mundësitë, ekziston mbështetja dhe kemi kapacitete për ti dhënë vendin një të ardhme më të mirë, për të mundësuar që Shqipëria të bëhet pjesë e familjes europiane”, tha Çela.
Rezultatet e punës kanë një rëndësi të jashtëzakonshme dhe ky duhet të jetë objektivi ynë primar, ta shikojmë përditshmërinë e punës sonë si një kontribut të rëndësishëm për të ardhmen e vendit./oranews