Aubameyang tërhiqet nga futbolli ndërkombëtar

Pierre-Emerick Aubameyang ka konfirmuar se karrierës së tij ndërkombëtare me Gabonin i ka ardhur fundi.
Sulmuesi i Barcelonës u paraqit 72 herë për kombin e tij, duke shënuar 30 gola dhe gjithashtu shërbeu si kapiten.
Pas një largimi të hershëm nga Kupa e Kombeve të Afrikës në fillim të vitit, ai ka vendosur të fokusohet në karrierën e tij në klub.
“Pas 13 vitesh krenarie në përfaqësimin e vendit tim, njoftoj se po i jap fund karrierës sime ndërkombëtare. Unë do të doja të falënderoja popullin gabonez dhe të gjithë ata që më kanë mbështetur në kohët e mira si ato të këqija. Do të mbaj shumë kujtime të mira si dita kur bëra debutimin tim në romnisports, apo ditën kur u ktheva nga Nigeria me Topin e Artë të Afrikës. Ndarja me të gjithë njerëzit ishte një moment i paharrueshëm”, ka shkruar 32-vjeçari në një letër të hapur drejtuar fansave të Gabonit./21Media