Austria mbështet rrugëtimin e Kosovës për në BE
Kosova aplikoi të enjten për anëtarësim në Bashkimin Evropian. Kryeministri i vendit Albin Kurti dorëzoi dokumentin e aplikimit në Republikën Çeke – vendin që aktualisht udhëheq Presidencën e BE-së.
Austria është rreshtuar krah shteteve evropiane që mbështesin anëtarësimin e Kosovës në këtë institucion.
Ministrja austriake për BE, Karoline Edtstadler, ka thënë se aplikimi i Kosovës për anëtarësim edhe një hap historik.
Ajo ka theksuar se është e rëndësishme që t’i ofrojmë vendet e Ballkanit Perëndimor më afër BE-së.
Kosovo’s application for EU membership is a historical step. It is essential to bring the Western Balkans closer to the EU. The pace of Kosovo’s EU integration will depend on its commitment to adopting necessary reforms. Austria will support Kosovo on its path ahead.
— Karoline Edtstadler (@k_edtstadler) December 15, 2022
Kryeministri i Kosovës, Albin Kurti, i dorëzoi të enjten Çekisë – vendit që aktualisht kryeson Presidencën e Bashkimit Evropian – aplikimin e Kosovës për anëtarësim në BE.
“Kemi ardhur në Pragë për të riafirmuar zotimin e pandryshueshëm të Kosovës ndaj vlerave themelore të BE-së, lirisë, demokracisë, të drejtave të njeriut, barazisë dhe sundimit të ligjit, duke dorëzuar aplikimin për anëtarësim [në BE]”, tha Kurti.
Kjo, tha ai, është një ditë historike për Kosovën dhe një ditë e madhe për demokracinë në Evropë./21Media