Avokatët e Berishës kërkesë SPAK, kërkojnë lirimin e ish-kryeministrit për pjesëmarrjen në Kuvend
Avokatët e ish-kryeministrit, Sali Berisha, Sokol Mëngjesi dhe Genc Gjokutaj i janë drejtuar me një shkresë Prokurorisë së Posaçme, përmes të cilës kërkojnë që Berisha të lejohet të marrë pjesë në seancat plenare të Kuvendit.
Ata argumentojnë se kjo është një e drejtë dhe detyrim kushtetues, për të përmbushur detyrën si ligjvënës.
Kërkesa është bërë dje, e hënë 15 janar, ndërsa mbetet në vendimmarrjen e prokurorëve Arben Kraja e Enkeleida Millonai për të pranuar ose jo atë.
Ish-kryeministri, Sali Berisha ndodhet në arrest shtëpie, masë kjo që u vendos nga prokurorët pasi theu masën e detyrimit të paraqitjes për 3 herë rresht.
Berisha akuzohet për korrupsion pasiv dhe për privatizimin e ish kompleksit “Partizani”./vizionplus.tv