Azemi: Me figurën e Avdullah Hotit nuk bëhen gafa të tilla
Anëtari i Kryesisë së Lidhjes Demokratike e Kosovës, Visar Azemi për RTV21 tha se LDK-ja e dënon “fuqishëm” një lajm të rremë për vdekjen e ish-kryeministrit Avdullah Hoti.
Azemi tha se ky lajm i rremë e ka shqetësuar jo vetëm familjen dhe bashkëpunëtorët e Hotit.
“Lidhja Demokratike e Kosovës e dënon fuqishëm këtë lajm të rremë që është dashakeq dhe e ka shqetësuar gjithë opinionin publik të Republikës së Kosovës, e ka shqetësuar familjen e zotit Hoti, ka shqetësuar bashkëpunëtorët e zotit Hoti në Lidhjen Demokratike të Kosovës. Prandaj e dënojmë këtë akt, duke pasur parasysh se zoti Hoti është figurë kyçe në LDK, figurë nacionale si një ish-kryeministër”, tha ai për rtv21.
Azemi tha se “nuk duhet të bëhen gafa të tilla me figura dhe personalitete të tilla si zoti Hoti”.
Dëshiron ta dëgjosh këtë lajm me zë?