Baerbock thekson arsyen pse Kosova duhet të anëtarësohet në KE
Vizita e Kryediplomates gjermane, Annalena Baerbock ka ndikuar që kjo e fundit të kuptojë se sa i rëndësishëm është bashkëpunimi i shteteve të BE-së me Ballkanin Perëndimor.
Të paktën kështu ka thënë vet Baerbock, duke shtuar se kjo është arsyeja pse ajo mbështet Kosovën për anëtarësimin në Këshillin e Evropës.
“Vizita ime e fundit në vendet e Ballkanit Perëndimor më bëri të qartë se sa vendimtare është intensifikimi i bashkëpunimit tonë me këto shtete në këtë moment vendimtar. Kjo është arsyeja pse ne mbështesim dëshirën e Kosovës për t’iu bashkuar familjes së shteteve anëtare të Këshillit të Europës”, ka thënë Baerbock, sipas një postimi të Ministrisë së Jashtme të Gjermanisë në Twitter.
Përkrahje për anëtarësimin e Kosovës në Këshill të Europës dje në mbledhjen e Komitetit kanë shprehur edhe Shqipëria e Kroacia, të cilat dolën edhe me deklarata zyrtare.
Second: My recent visit to the Western Balkan countries made clear to me how crucial it is to intensify our cooperation with these states at this decisive moment. That is why we support #Kosovo’s wish to join the family of Council of Europe member states. @ABaerbock 5/7
— GermanForeignOffice (@GermanyDiplo) May 20, 2022