Bajraktari: Hashim Thaçi po ndikon vetëm përmes intervistave
Avokati Ardian Bajraktari në ”Click” të RTV21 ka deklaruar se figura e Hashim Thaçit tashmë po ndikon në skenën politike, edhe pse në mungesë fizike, përmes deklaratave dhe interpretimeve politike që bëhen për të.
Sipas tij, situata do të merrte peshë edhe më të madhe në momentin e kthimit të tij eventual në Kosovë, së bashku me ish-krerët e tjerë të luftës.
“Figura e Hashim Thaçi ajo po ndikon vetëm me disa intervista, e imagjino situatën kur edhe fizikisht do të jetë këtu, aq më tepër edhe Kadri Veseli, Jakup Krasniqi dhe Rexhep Selimi kur do të kthehen si triumfues. Kthimi i Thaçit do të ketë impakt të jashtëzakonshëm në skenën politike dhe në nivel vendi, ata duhet të priten si heronj”, është shprehur Bajraktari.
Dëshiron ta dëgjosh këtë lajm me zë?