PSG siguron finalen e Ligës së Kampionëve
Kampionët në fuqi, PSG, kanë siguruar kalimin në finalen e madhe të UEFA Champions League, pasi eliminuan Bayern Munichun me rezultat të përgjithshëm 6-5.
Ndeshja e kthimit në “Allianz Arena” përfundoi në barazim 1-1, rezultat ky që i mjaftoi parisienëve falë fitores spektakolare 5-4 në takimin e parë.
Ousmane Dembélé e nisi sfidën në mënyrë perfekte duke shënuar që në minutat e parë, ndërsa Harry Kane barazoi shifrat në minutën e 90-të, duke ndezur shpresat e bavarezëve për një përmbysje të madhe në çastet e fundit, e cila megjithatë nuk ndodhi.
Përballja u karakterizua nga performanca të jashtëzakonshme të portierëve Manuel Neuer dhe Matvey Safonov, të cilët mohuan disa gola të sigurt nga yjet si Musiala, Kvaratskhelia dhe Neves.
Vincent Kompany tentoi gjithçka me zëvendësimet ofensive në pjesën e dytë, por mbrojtja e udhëhequr nga Marquinhos arriti të përballonte presionin e lartë deri në vërshëllimën e fundit.
Me këtë kualifikim, PSG tani do të udhëtojë drejt finales së madhe ku i pret Arsenali e cila do të luhet me 30 maj, ku PSG do të tentojë të mbrojë titullin përballë “Gunners”, në një duel që premton të jetë kulmi i futbollit evropian për këtë sezon.
Dëshiron ta dëgjosh këtë lajm me zë?