Banorët e Lviv po përgatiten të mbrojnë trashëgiminë e qytetit

 
Banorët e kryeqytetit kulturor të Ukrainës Lviv po ndihmojnë përpjekjet për të mbrojtur monumentet historike, sipas zyrtarëve lokalë të trashëgimisë. Disa statuja guri shihen të mbështjella me çarçafë mbrojtës.
Fotografitë e shkrepura në sheshin qendror të tregut të qytetit të enjten tregojnë burra mbi shkallët që mbështjellin në plastikë, skulpturën e perëndisë romake Neptun dhe perëndeshës greke Amfitrite. Së bashku me statujat e afërta të hyjnive klasike Adonis dhe Diana, figurat gëlqerore u ndërtuan më shumë se 200 vjet më parë, me shatërvanët shoqërues të vendosur në çdo cep të sheshit.
Jashtë Katedrales Latine fqinje, e ndërtuar në shekullin e 14-të, një statujë më e vogël u pa e mbuluar në atë që dukej si shkumë dhe e fiksuar me shirit.
Megjithëse CNN nuk ishte në gjendje të verifikonte identitetet e punonjësve individualë, OJQ-ja e trashëgimisë, Fondacioni Lviv për Ruajtjen e Monumenteve Arkitekturore dhe Historike, tha se konservatorët e artit dhe vendasit “të shqetësuar” ishin përfshirë në përpjekjet e mbrojtjes./21Media