Barcelona nuk ka ndërmend ta shesë Frenkie de Jong-un

Barcelona nuk ka ndërmend të shesë Frenkie de Jong pavarësisht interesimit të Manchester United, pretendon presidenti i klubit Joan Laporta.
De Jong ka qenë një objektiv prioritar për Djajtë e Kuq nën drejtimin e Erik ten Hag, me pengesën për një lëvizje që mendohet më shumë si hezitimi i lojtarit për të bërë një ndryshim sesa hezitimi i Blaugranave për të bërë biznes, veçanërisht në mes të vështirësive të tyre financiare.
Megjithatë, tani Laporta ka pohuar se mesfushori do të qëndrojë në Camp Nou për të ardhmen e parashikueshme, ose të paktën kjo mbetet qëllimi i klubit.
Pse Barcelona nuk dëshiron të shesë De Jong?
Me De Jong që kishte shfaqur pak dëshirë për të vazhduar përpara, gjasat e largimit të tij ishin gjithmonë të lidhura me motivimet financiare të Barçës.
Por me një fluks të raportuar fondesh pas shitjes së një pjese të të drejtave të tyre televizive, Laporta ka thënë se nevoja për ta lëvizur atë tani është më pak urgjente.
“Nuk kemi ndërmend ta shesim dhe ai dëshiron të qëndrojë. Manchester United nuk është i vetmi që e dëshiron atë”, ka thënë presidenti./21Media