BE-ja do t’u japë mbrojtje të përkohshme të gjithë refugjatëve
Bashkimi Evropian do t’u japë mbrojtje të përkohshme të gjithë refugjatëve që ikin nga konflikti në Ukrainë, njoftoi komisionerja për Çështjet e Brendshme të bllokut, Ylva Johansson.
Ajo e bëri njoftimin në një postim në Twitter të enjten, duke e quajtur atë një vendim historik, përcjellë rtv21.tv
Ministri i Brendshëm francez, Gerald Darmanin dha detaje të mëtejshme se si do të ofrohet mbrojtja në një deklaratë për shtyp.
“Kjo pajisje do të lejojë vendet anëtare të BE-së t’u ofrojnë personave që ikin nga konflikti në Ukrainë një përgjigje të përshtatur me situatën e tyre. Personat e kualifikuar mund të përfitojnë nga një status mbrojtës i ngjashëm me atë të refugjatit, në çdo vend të BE-së për një periudhë njëvjeçare që mund të jetë shqyrtuar”, thuhet në deklaratë.
“Bashkimi Evropian do të vazhdojë të bëjë gjithçka për të ndihmuar Ukrainën dhe viktimat e luftës”, theksoi Darmanin.
Ministrat e BE-së u takuan të enjten për të aktivizuar Direktivën 2001/55/CE, e cila ofron mbrojtje të përkohshme në rastin e një fluksi masiv të personave të zhvendosur, sipas njoftimit për shtyp.
Presidenca franceze e Këshillit të Bashkimit Evropian dhe Komisioni Evropian përshëndetën vendimin, duke thënë se ai pasqyron angazhimin e plotë të BE-së për të treguar solidaritet ndaj Ukrainës dhe për të marrë detyrën e saj ndaj viktimave të kësaj lufte të pajustifikueshme, raporton CNN
Komisioneri i lartë i OKB-së për Refugjatët, Filippo Grandi e quajti vendimin e BE-së të paprecedentë.
“Do të sigurojë mbrojtje për miliona në lëvizje. Ne inkurajojmë aplikimin e tij të shpejtë dhe të gjerë”, tha ai në një postim në Twitter.
Që nga fillimi i pushtimit rus më 24 shkurt, mbi 1 milionë ukrainas janë larguar nga vendi./21Media
Dëshiron ta dëgjosh këtë lajm me zë?