BE-ja pranon të marrë refugjatë ukrainas për 3 vjet

BE-ja ka rënë dakord unanimisht midis të gjitha vendeve anëtare për të pranuar refugjatë ukrainas deri në tre vjet pa u kërkuar atyre që të aplikojnë fillimisht për azil, tha ministri i brendshëm gjerman.

Agjencia e OKB-së për refugjatët thotë se numri i njerëzve që ikin nga Ukraina tani ka arritur në 368,000, me shumë në Poloni, Rumani, Hungari, Moldavi dhe Sllovaki.

Kryeministrja e Moldavisë, Natalia Gavrilita vizitoi të shtunën pikën kufitare të Palancas, ku janë ngritur tenda dhe objekte mjekësore.

“Në këto ditë të zeza për Ukrainën, ne qëndrojmë pranë qytetarëve të saj”, shkroi ajo në Twitter./21Media