BE propozon sanksione të reja kundër Rusisë

Bashkimi Evropian ka përcaktuar planet për një raund të gjashtë sanksionesh kundër Rusisë për pushtimin e saj në Ukrainë.
Ato përfshijnë ndalimin e importeve të naftës ruse deri në fund të vitit dhe ndërprerjen e tre transmetuesve rusë shtetërorë në BE, transmeton rtv21.tv.
Por çfarë ka ndodhur që kur propozimet u zbuluan këtë mëngjes?
-Plani ende kërkon miratimin e të 27 vendeve anëtare të BE-së – me ndalimin e propozuar të importit të naftës një pikë pengese,
– Nuk kishte asnjë marrëveshje të menjëhershme për masat, njoftoi agjencia e lajmeve Reuters. Të dërguarit e BE-së do të takoheshin nesër për më shumë bisedime, tha një burim
– Republika Çeke dhe Bullgaria janë ndër vendet që kërkojnë përjashtime në mënyrë që të përshtaten me një embargo të mundshme. Sllovakia ka kërkuar një periudhë tranzicioni trevjeçare
– Hungaria gjithashtu ka shprehur dyshime, duke thënë se nuk është e qartë se si mund të arrihet tranzicioni
Siç tregon grafiku i mëposhtëm, Hungaria, ashtu si Sllovakia, është një nga importuesit kryesorë të naftës ruse në Evropë. Sidoqoftë, vlen të përmendet se kjo përdor të dhëna nga viti 2020 – dhe vendet kanë punuar për të reduktuar varësinë e tyre që atëherë./21Media