Begaj mirëpret lirimin e policëve, kërkon kthim në dialog
Presidenti i Shqipërisë, Bajram Begaj e ka mirëpritur lirimin e tre policëve të Kosovës që ishin rrëmbyer nga njësitë speciale të Serbisë në veri të Kosovës.
Begaj përmes një postimi në “Twitter” tha se Kosova dhe Serbia duhet të kthehen në tryezën e dialogut.
Ai theksoi se duhet të zbatohet marrëveshja e arritur në Bruksel dhe Ohër.
Përshëndes lirimin e tre policëve të Kosovës.
Uroj kthim sa më të shpejtë e efektiv të palëve në tryezën e dialogut dhe zbatimin e marrëveshjes së dakordësuar në Bruksel dhe Ohër.
— Bajram Begaj (@BajramBegajAL) June 26, 2023
Tre policët e Kosovës që ishin rrëmbyer më 14 qershor nga forcat serbe, janë liruar me vendim të Gjykatës në Kralevë.