Berisha: Në Angli shkojmë për fitore edhe më të thellë
Hendbollisti i Kombëtares së Kosovës Haris Berisha ishte prej më të dalluarve në fitoren e së mërkurës ndaj Britanisë së Madhe. Berisha i bëri 11 pritje dhe solli siguri në mbrojtjen e dardane që fitoi me rezultat 30:22.
Fokusi është kthyer te ndeshja e dytë, që zhvillohet të shtunën prej orës 14:00 në Derby të Anglisë. Para udhëtimit drejt Anglisë, Berisha është shprehur shumë optimist për rezultat pozitiv.
“Do të mundohemi të përmirësojmë gabimet e ndeshjes së parë dhe të arrijmë rezultat bindshëm më të mirë. Duam të festojmë së bashku në fund e pastaj të përgatitemi për pjesën finale të kualifikimeve për Euro 2026. Kosova e ka vendin në kualifikimet e rregullta dhe këtë duam ta dëshmojmë”, ka thënë Haris Berisha.
Këto ndeshje janë të vlefshme për kualifikimet në Kampionatin Evropian EURO 2026.
Dëshiron ta dëgjosh këtë lajm me zë?