Vajza e heroit të UÇK-Së, Hamëz Jasharit, Besarta, sot në 23 vjetorin e sulmit të dytë nga forcat serbe ndaj familjes Jashari u shpreh se ende i ka të freskëta kujtmet e asaj dite.

“Sot, bashkë me vëllaun Bekimin, Hamëzen e ri bëmë homazhe tek më të dashurit tonë, në 23 vjetorin e betejes së familjes sime kundër pushtuesit serb. Ende i kam të fresketa kujtimet nga ajo ditë ku baba Shaban, babushi Hamëza dhe djemtë e familjes luftonin pa u ndalur deri sa arritën të zbrapsin agresorin serb.”, u shpreh ajo përmes facebook-ut.

Besarta Jashari shtoi se sot është e lumtur që pranë ka vëllain, Bekimin, ” me të cilin edhe sot falënderojmë të gjithë kombin tonë për kujtimin dhe nderimin e kesaj beteje dhe në përgjithësi për respektin e treguar ndaj familjës sonë”.

Më 22 janar të vitit 1998 në orët e hershme të mëngjesit nga Fabrika e Municioneve të Gjuetisë, rreth 500 metra larg shtëpive të lagjes Jashari, kishin lëvizur forca të policisë serbe, të cilat ishin drejtuar kah Kulla e Jasharëve për të sulmuar ata. Atë natë të trishtë Adem Jashari nuk kishte qenë në shtëpi, por rezistencë sulmit i kishin bërë Hamza dhe Shabani, bashkë me anëtarët e tjerë./21Media