Biden dhe Putin zhvilluan bisedën e tyre telefonike të parë
Presidenti amerikan Joe Biden zhvilloi e tij të parë me homologun e tij rus, Vladimir Putin.
Zëdhënësja e Shtëpisë së Bardhë, Jen Psaki tha se gjatë bisedës, Biden ka ngritur shqetësime lidhur me aktivitetet ruse, përfshirë trajtimin dhe burgosjen e kritikut të Kremlinit, Aleksei Navalny.
“Biden gjithashtu tha se Uashingtoni mbështet fuqishëm sovranitetin e Ukrainës, përballë agresionit të vazhdueshëm rus”, tha Psaki.
Kremlini konfirmoi telefonatën përmes një deklarate në faqen e internetit duke thënë se Putini e uroi Bidenin për marrjen e detyrës dhe se të dy liderët “shprehën kënaqësi” në lidhje me shkëmbimin e notave diplomatike për arritjen e një marrëveshjeje mbi zgjatjen e Traktatit për Reduktimin e Armëve Strategjike (Neë START).
Kritiku i Kremlinit, Aleksei Navalny është burgosur fundjavën e kaluar pasi ka arritur në Moskë nga Gjermania. Në shtetin gjerman, Navalny është trajtuar pas helmimit me agjentin nervor, Noviçok. Ai e ka fajësuar presidentin rus, Putin për helmimin.
Rusia aneksoi rajonin e Krimesë të Ukrainës në vitin 2014, dhe separatistët e mbështetur nga Moska filluan një kryengritje në Donbas, në Ukrainën lindore.
Konflikti ka lënë të vrarë më shumë se 13.000 njerëz. Rusia mohon çdo rol në konflikt.