Biden do të mbajë fjalim në Kongres më 7 mars
Joe Biden do të mbajë fjalim për gjendjen në SHBA më 7 mars dhe është fjalimi tradicional i presidentit amerikan në Kongres, u bë e ditur sot.
Sipas traditës, presidenti i SHBA-së pranoi ftesën e dërguar menjëherë më parë nga kryetari i Dhomës së Përfaqësuesve, republikani Mike Johnson.
“Në një kohë kur vendi ynë po përballet me sfida, kam detyrë solemne t’ju ftoj të drejtoheni në seancën e Kongresit të enjten, më 7 mars, në mënyrë që ashtu siç e kërkon Kushtetuta, të na informoni për gjendjen në SHBA,” shkroi Johnson në rrjetin social X.
Biden u përgjigj në të njëjtën platformë se ai “mezi pret” për të mbajtur fjalimin e tij.
Ky fjalim do të ketë një rëndësi të veçantë pasi në fund të vitit në SHBA mbahen zgjedhjet presidenciale.