Presidenti i SHBA-ve, Joe Biden ka shpallur gjendje të jashtëzakonshme “katastrofë të madhe” në Teksas, duke hapur rrugën për më shumë fonde federale për t’u shpenzuar në përpjekjet e ndihmës.

Temperaturat po rriten, por rreth 13 milionë njerëz ende po përballen me vështirësi për të siguruar ujë të pastër, transmeton rtv21.tv.

Biden ka thënë se ai do të vizitojë Teksasin për sa kohë që prania e tij nuk është një barrë.

Gati 60 vdekje i janë atribuar motit të ftohtë në të gjithë SHBA-në.

Disa shtete të tjera të jugut të goditura nga stuhitë e borës dhe akullit këtë javë kanë raportuar gjithashtu ndërprerje të shërbimit të ujit./21Media