Binjaket e bashkuara do të operohen për tu ndarë

Prindërit mësuan se binjaket ishin të bashkuara pas lindjes

Binjaket e bashkuara, Rabeya dhe Rokayah kanë arritur në Hungari për të ju nënshtruar operacionit të ndarjes. Ato do t’i nënshtrohen një sërë procedurash në Hungari dhe do kthehen përsëri në vendin e tyre në Pabna të Bangladeshit.

Seria e operacioneve për ndarjen e tyre është quajtur “Operation Freedom”  dhe vajzat janë marrë nën kujdesin e ekipit hungarez, Action for Defenceless People Foundation.

Rabeya dhe Rokayah arritën në shtetin evropian të shtunën për të bërë ekzaminimet e nevojshme për operacionin përfundimtar, që planifikon të ndajë kafkën e tyre.

Hapi i parë i serisë së operacioneve me tre faza, ndarja sistemit të enëve të gjakut të trurit të binjakeve është kryerë me sukses, me të ashtuquajturën metodë endovaskulare nga Dr. Istvan Hudak, neurokirurg, gjatë dy operacioneve në Medical College Department of Plastic Surgery në Dhaka dhe Neurosurgery në Bangladesh në shkurt dhe gusht të  vitit 2018.

Kirurgët paralajmëruan më parë se duhet të prisnin dy vjet para se të merrnin një vendim përfundimtar për të shkuar përpara me procedurën e rrezikshme.

Prindërit Taslima Khatun Uno dhe Mohammed mësuan se binjaket ishin të bashkuara pas lindjes së tyre.

Ato erdhën në jetë me anë të lindjes cezariane dhe kaluan dy javë nën kujdes intesiv. “Për të ardhmen e tyre është e nevojshme të ndahen, nuk kanë një jetë të shëndetshme së bashku. Nëse nuk i ndaj tani, ndoshta në të ardhmen do të pyesin përse nuk e bëra?”, tha nëna e tyre, raporton Oranews.

Binjaket kanë lindur në një klinikë në Pabna të Bangladeshit, në korrik të vitit 2016.