Bislimi mburret me raportin e BERZH-it për Kosovën
Zëvendëskryeministri Besnik Bislimi sot ka publikuar një grafikë, ku sipas tij, Banka Evropiane për Rindërtim dhe Zhvillim (BERZH) e ka gjetur Kosovën si vendin me rritjen ekonomike më të lartë në rajon.
Sipas Bislimi kjo nuk është rastësi, por meritë e punës së Qeverisë Kurti.
“Së fundmi, BERZH e gjeti Kosovën si vendin me rritjen ekonomike më të lartë në rajon për vitin 2023. Ajo parashikon që ky trend të vazhdojë edhe në të ardhmen e afërt. Banka Botërore dhe FMN e kanë vlerësuar gjithashtu vendin tonë për rritjen ekonomike dhe trendin pozitiv”, ka shkruar Bislimi në Twitter.
Këto rezultate, siç ka thënë Bislimi, nuk janë të rastësishme, teksa si synim e kanë eliminimin e pabarazive.
“Trajektorja në të cilën e kemi drejtuar vendin është ajo e duhura, ku do të shohim përfitimet në vitet në vijim. Qëllimi ynë është që kjo rritje të jetë e qëndrueshme. Të zvogëlohen pabarazitë dhe të ketë shpërndarje të barabartë për të gjithë qytetarët”, ka shkruar ai në Twitter./21Media
Recently, the EBRD found Kosova as the country with the highest economic growth in the region for 2023. It predicts that this trend will continue in the near future. The World Bank & the IMF have also evaluated our country for its economic growth and positive trend. pic.twitter.com/A9R4IOy1SS
— Besnik Bislimi (@BislimiBesnik) May 18, 2023