​Bizneset e vogla protestojnë më 1 maj në Prishtinë

Bizneset e vogla të kryeqytetit do të protestojnë të hënën më 1 maj para objektit të Komunës së Prishtinës.

Sabudin Hasani, përfaqësues i shoqatës “bizneset e vogla”, i ka thënë kp se protesta do të nis në orën 09:00.

Hasni ka thënë se protesta do të mbahet kundër padrejtësisë dhe diskriminimit që po u bën komuna në shfrytëzimin e hapësirave publike.

Sipas tij, bizneset në këtë protestë po ashtu do të kërkojnë vazhdimin e lejeve për kiosqeve, pasi ata tash e një vit e gjysmë i kanë bërë kërkesë komunës por se ajo nuk ka përfunduar këtë proces.