Bizneset i kërkojnë Mustafës ”mjekë profesional” për korrupsionin

Hoti beson se sivjet do të përmbyllen për ndërtimin e kapaciteteve të reja energjetike

Kryeministri i Qeverisë së Kosovës, Isa Mustafa, në takimin me bizneset e regjionit të Prizrenit, tha se për Qeverinë e Kosovës sektori i ekonomisë mbetet me prioritet dhe me rëndësi për zhvillimin ekonomik.

Ai tha se po përkrahin zhvillimin e bizneseve edhe pse po janë të imponuar nga temat politike siç është demarkacioni. Mirëpo, pavarësisht kësaj, ai tha se po angazhohen për zhvillim ekonomik, rritjën e punësimit, arsim cilësor dhe formim të shtetit ligjor, duke iu mundësuar bizneseve të bëjnë biznes.

Ai vlerësoi se ekonomia dhe ndërmarrësia në regjionin e Prizrenit është karakteristike dhe e zhvilluar ku veprojnë mbi 20 mijë biznese vetëm në dy vitet e fundit. Kjo sipas tij, tregon se është shtuar numri i tyre për 6 mijë. Mustafa inkurajoj bizneset se do të kenë mbështetjen e plotë të Qeverisë.

Kryetari i Odës Ekonomike të Kosovës, Safet Gërxhaliu duke përmendur sfidat e bizneseve vlerësoi lartë rritjen ekonomike në Kosovë. Ai tha se ka hapa pozitiv nga Qeveria për ndaljen e tenderamonisë dhe rritjen e konkurrueshmërisë. Ai duke përmendur klimën jo të favorshme politike, tha se rritja ekonomike e dalë së fundmi është e mirë.

Biznismeni Nezir Xhoxhaj tha se korrupsioni dhe informaliteti është bërë një sëmundje dhe kërkoi nga kryeministri që të gjejnë ‘mjek profesional’ për shërimin e saj e cila po iu qet telashe.

Ministri i Financave, Avdullah Hoti foli në lidhje me aprovimin dhe implementimin e Pakos Fiskale 2.0. Ai beson se sivjet do të përmbyllen për ndërtimin e kapaciteteve të reja energjetike.

Hoti theksoi se hapat që janë ndërmarr për luftimin e korrupsionit do të ndikojnë në parandalimin e kësaj dukurie. Mirëpo, shtoi se edhe informaliteti ka shënuar rënie me hapat që i ka ndërmarr kjo Qeveri me politikat fiskale.