Blinken përsërit rëndësinë e marrëdhënieve turko-amerikane

1 min read

Notice: Trying to get property 'post_excerpt' of non-object in /home/rtv21new/public_html/wp-content/themes/newsphere-pro/inc/hooks/hook-single-header.php on line 65

 

Sekretari amerikan i Shtetit, Antony Blinken, nënvizoi rëndësinë e marrëdhënieve turko-amerikane.

“Vazhdimi i bashkëpunimit me aleatin tonë të NATO-s Turqinë për prioritetet e përbashkëta është me rëndësi të madhe”, shkroi Antony Blinken në Twitter pas një telefonate që kishte zhvilluar me ministrin e Jashtëm turk Mevlüt Çavuşoğlu.

Ai përsëriti mbështetjen amerikane për bisedimet midis Turqisë dhe Greqisë, të cilat janë aleatë të Amerikës në NATO-s.

Zëdhënësi i Departamentit amerikan të Shtetit, Ned Price gjithashtu bëri një njoftim rreth bisedës telefonike Blinken-Çavuşoğlu.

“Sekretari Blinken bisedoi me ministrin e Jashtëm turk Mevlüt Çavuşoğlu, ku diskutuan fushat e bashkëpunimit në Siri dhe Afganistan dhe rëndësinë e të drejtave të njeriut dhe institucioneve demokratike”, theksoi ai.