Blinken – Zelenskyt: Një Ukrainë e lirë dhe e lulëzuar është qortimi më i fortë ndaj Putinit

Sekretari amerikan i Shtetit Antony Blinken u takua me presidentin ukrainas, Volodymyr Zelensky në selinë presidenciale, Bankova, në Kiev.

Zelensky tha se kishte qenë një “periudhë e vështirë” për “luftëtarët” ukrainas, veçanërisht në lindje të vendit. Ai falënderoi Blinken për “paketën vendimtare” të ndihmës ushtarake të miratuar muajin e kaluar nga Kongresi, duke theksuar “mbështetjen dypartiake” që mori.

“Një vlerësim i madh nga ukrainasit për amerikanët për këtë,” tha presidenti.

Ai shtoi se ishte thelbësore që armët të dorëzoheshin sa më shpejt që të ishte e mundur.

Ai vazhdoi duke folur për nevojat e jashtëzakonshme të Ukrainës, duke thënë se mbrojtja ajrore ishte “deficiti më i madh” dhe se Kharkiv kishte nevojë për më shumë mbrojtje ajrore.

Blinken nderoi “rezistencën e jashtëzakonshme” të Ukrainës dhe “forcën dhe udhëheqjen” e Zelensky. Ai pranoi se ishte një “kohë sfiduese”, por se ndihma e SHBA ishte “në rrugë”, gjë që ai tha se do të bënte një ndryshim vendimtar në fushën e betejës.

Blinken tha se një Ukrainë e fortë, e lirë dhe e lulëzuar ishte “qortimi më i fortë ndaj Putinit”./21Media