Borrell i zhgënyer: Dialogu Kosovë- Serbi nuk po ecën në ritmin e duhur

 
Zëvendëspresidenti i Komisionit Evropian, Josep Borrell ka vlerësuar se dialogu mes Kosovës dhe Serbisë nuk po ecën në ritmin e duhur.
Ai këto deklarata i ka bërë në një intervistë për DW, ku ka pranuar se është i zhgënjyer lidhur me këtë çështje.
“Nuk po ecën. Unë jam i ngarkuar me këtë dialog dhe nuk po ecën. Të paktën nuk po ecën me ritmin që duhet të ecte. Bashkimi Evropian ka një mandat nga Kombet e Bashkuara për të koordinuar, shtyrë dhe aktivizuar këtë dialog. Unë kam caktuar një nga diplomatët më të mirë për këtë detyrë, dhe duhet të them që duhet bërë më shumë, duhet më shumë punë. Duhet të shtyjmë të dyja palët me qëllim që të kuptojnë se ka vetëm një zgjidhje për problemin dhe se ajo vjen përmes dialogut, duke e ditur ama që nuk do të jetë e lehtë. Është çështje shumë e komplikuar. Ju e dini sa e vështirë dhe e komplikuar ka qenë historia e Ballkanit gjatë 20 apo 30 viteve të shkuara. Por e vetmja zgjidhje e këtij problemi është dialogu, dhe unë këtë po nxis, por jam i zhgënjyer që nuk po ecim me ritmin që kërkon problemi, sepse perspektiva evropiane e të dy vendeve po mbizotërohet plotësisht nga rezultati i këtij dialogu.”, ka thënë Borrell.
Ai në këtë intervistë ka folur edhe për luftën në Ukraninë ku ka thënë se do të ketë pasoja edhe në ekonomi./21Media