Bujqit të pakënaqur nga Institucionet

Bujqit në Maqedoni kërkojnë eksport të prodhimeve të tepërta

Bujqit tashmë një kohë të gjatë kanë problem me atë se ku do t’i plasojnë prodhimet e tyre. Vesna Janevska, prodhuese nga Rosomani, thotë se për shkak të gjendjes politike, vihet në dyshim edhe pagesa e subvencioneve të tyre.

“Do të jetë një kaos i vërtetë. Është vonuar përgatitja e tokës për mbjellje, fara, materiali për mbjellje, të gjitha rezervat janë harxhuar, ndërsa më e keqja është se edhe subvencionet janë vonuar”, tha Vesna Janevska, Prodhuese nga Rosomani, shkruan TV21.TV

Bujqit propozojnë stabilizimin e agrobursës si hap të parë drejt zgjidhjes së problemeve të tyre. Fermeri nga Dibra, Daut Dumani, shprehet se ka problem me shitjen e qengjave.

“Askush nuk është i interesuar për blerje të qengjave. Tani jemi në kulmin e sezonit, por po manipulohet me çmimin e qengjit, veç asaj se çmimi është i ulët, por nuk ka as blerje, edhe pse ne kemi kapacitet të madh për therje dhe prodhim” u shpreh Daut Dumani, Fermer nga Dibra.

Bujqit nuk dinë se ku të ankohen. Koordinatorja e projektit “Ekonomia e tregut dhe kapacitetet institucionale”, Liljana Joneski thotë që edhe pse numri i të punësuarve nëpër institucione rritet, efikasiteti zvogëlohet.

“Situata për një kohë të gjatë është e njëjtë. Nga njëra anë, vazhdimisht po rritet numri i punësimeve, e me atë edhe financat e ndara nga buxheti për këtë qëllim, ndërsa nga ana tjetër, marrëdhëniet në ekonominë e tregut shënojnë regres”, tha Joneski.

Rezultatet e projektit tregojnë se mbi 64 % e bujqve nuk kanë besim në institucionet vendore, ndërsa 85% mendojnë se nuk ka konkurrencë reale të çmimeve në bujqësi./21Media

Back to top button