Çfarë mund të ndodhë me trupin tuaj nëse pini shumë kafe?
Pavarësisht nëse jeni duke pirë një kapuçino të nxehtë rrugës për në punë ose duke shijuar një latte të ëmbël pas një prezantimi të madh, është e vështirë të imagjinohet një ditë pa kafe. Dhe për shkak se ju ndihmon të rifitoni energjinë në një kohë të shkurtër, shumë prej nesh nuk mund t’i rezistojnë tundimit për të pirë disa kafe në ditë.
Bright Side tregon se si mund të ndikojë tek ju pirja e tepërt e kafesë në shëndetin tonë.
1. Mund të jetë e dukshme në thonjtë tuaj
Përveçse ju bën të ndiheni të shqetësuar, pirja e tepërt e kafesë mund të ndërhyjë në përthithjen e hekurit dhe të shkaktojë anemi. Kjo gjendje mjaft e zakonshme ndikon në sasinë e qelizave të kuqe të gjakut të shëndetshme që transportojnë oksigjen në indet e trupit tuaj dhe ju bën të ndiheni të dobët dhe të lodhur. Përveç energjisë së ulët, anemia mund të ndikojë në pamjen e thonjve tuaj, duke bërë që hënat e thonjve tuaj të bëhen më pak të dukshme apo edhe të zhduken, shkruan BrightSide, përcjell rtv21.tv.
2. Mund t’ju shqetësojë stomakun
Nëse keni ndjerë ndonjëherë se pirja e shumë filxhanëve kafe ju bën të shkoni më shpesh në tualet, në fakt ka një shpjegim shkencor për këtë. Për shkak se kafeja është acid, ajo irriton mukozën e stomakut dhe shkakton ngërçe, të cilat nga ana tjetër mund të çojnë në diarre.
3. Mund shkaktojë dhimbje koke
Edhe pse shumë njerëz shpresojnë se një filxhan i nxehtë do të largojë dhimbjen e kokës, në fakt mund ta përkeqësojë atë. Kafeina ju bën të urinoni më shpesh, gjë që dehidraton pak trupin tuaj dhe mund të shkaktojë dhimbje koke. Edhe pse rreth katër filxhanë kafe të zier në ditë konsiderohet një sasi e sigurt e kafeinës për njerëzit e shëndetshëm, në realitet shumica prej nesh mund të tolerojnë shumë më pak dhe pirja e tepërt e kafeinës mund t’ju japë migrenë të dhimbshme.
4. Mund të bëjë që lëkura juaj të plaket më shpejt
Ndërsa kafeja është e pasur me antioksidantë që mbrojnë lëkurën tuaj nga radikalet e lira të dëmshme, pirja e tepërt e saj mund të reduktojë kolagjenin në qelizat tuaja. Për shkak se kolagjeni është jetik për arritjen e një çehre të shëndoshë dhe rinore, konsumimi i tepërt i kafeinës mund të bëjë që lëkura juaj të bëhet më pak elastike dhe më e ndjeshme ndaj linjave të holla dhe rrudhave./21Media