Çfarë thanë liderët në samitin e Egjiptit?

Përfaqësues nga vende anembanë botës u takuan në një samit në Egjipt sot dhe janë bashkuar në thirrjen për t’i dhënë fund luftës midis Izraelit dhe Gazës.

Sekretari i Përgjithshëm i OKB-së António Guterres bëri thirrje për një armëpushim humanitar.
Mbreti Abdullah i Jordanisë paralajmëroi vendet joarabe që të shmangin dërgimin e mesazhit “shumë të rrezikshëm” se “jetët e palestinezëve kanë më pak rëndësi se ato izraelite”.

Presidenti i Afrikës së Jugut Cyril Ramaphosa tha se afrikano-jugorët mund të lidhen me gjendjen e palestinezëve në “luftën për të arritur lirinë e tyre”

Sekretari i Jashtëm i Mbretërisë së Bashkuar James Cleverly tha se ai kishte folur drejtpërdrejt me qeverinë izraelite “për detyrën e tyre për të respektuar ligjin ndërkombëtar dhe rëndësinë e ruajtjes së jetëve të civilëve në Gaza”.

Ministri i Jashtëm i Japonisë, Yōko Kamikawa tha se komuniteti ndërkombëtar nuk duhet të lejojë që lufta “të mbyllë dritaret e mundësive për paqen në Lindjen e Mesme”.

Ministri i Jashtëm i Brazilit Mauro Vieira i bëri thirrje botës që të shmangë çdo mundësi të përhapjes rajonale të konfliktit

Ministrja e Jashtme gjermane Annalena Baerbock tha se flakët e urrejtjes nuk duhet të ndizen, “sepse kjo është pikërisht ajo që duan Hamasi dhe sponsorët e tyre”./21Media