Chris Brown sërish në telashe! Akuzohet për përdhunim

Artisti, Chris Brown është akuzuar për drogë dhe përdhunim të një gruaje dhe është paditur për 20 milionë dollarë (14.9 milionë funte).
Sulmi i supozuar thuhet se ka ndodhur në një jaht më 30 dhjetor të vitit 2020 në Miami, Florida.
Radio 1 Newsbeat ka kontaktuar menaxhmentin dhe kompaninë diskografike të Brown, por ata ende nuk janë përgjigjur.
Padia është ngritur nga një grua që nuk u identifikua.
Dokumentet detajojnë pesë akuza të veçanta kundër këngëtarit- ‘sulm seksual’, ‘shkelje të Statutit të dhunës gjinore’, ‘shkaktim i qëllimshëm i shqetësimit emocional’, ‘shkaktim nga pakujdesia i shqetësimit emocional’ dhe ‘burgim i rremë’.
Gruaja pohon se “ka frikë për jetën dhe karrierën e saj”.
Ajo thotë se ishte e ftuar në një jaht nga reperi dhe producenti Diddy, ku ndodhi ngjarja e supozuar.
Sipas dokumentit, të parë nga Newsbeat, gruaja pretendon se asaj iu ofruan pije nga Brown pasi mbërriti dhe më vonë ndjeu “një ndryshim të papritur dhe të pashpjegueshëm në vetëdije”.
Ajo pretendoi se u bë “e çorientuar, e paqëndrueshme fizikisht dhe filloi të binte dhe të mos flinte”, përpara se të çohej në një dhomë gjumi ku Brown dyshohet se kreu aktin e supozuar.
Thuhet se Brown ka kontaktuar gruan të nesërmen, duke i thënë asaj të merrte një kontraceptiv urgjent.
Newsbeat gjithashtu ka tentuar të kontaktojë përfaqësuesit e Diddy, por ende nuk ka marrë një përgjigje./21Media