Çifti theu rekord botëror me 444 pemë dhe 10,000 stoli në shtëpi

Një familje ka vendosur një rekord të ri botëror pasi vendosi 444 pemë dhe i mbuloi me mbi 10,000 dekorime në banesën e tyre.
Familja Jeromin fitoi rekordin për të pasur pemët më të dekoruara të Krishtlindjeve në një vend, në banesën e tyre në Gjermani.
Çifti tha se e morën përsipër detyrën masive festive muaj më parë.
Këtë vit ata përdorën 444 pemë dhe mbi 10,000 dekorime për të dekoruar shtëpinë e tyre, transmeton rtv21.tv.
Një zëdhënës i Institutit Rekord të Gjermanisë, i cili katalogon arritjet e mahnitshme globale si Rekordet Botërore Guinness, tha se “Familja Jeromin është me të vërtetë lider botëror këtu”.
Në klipin e ceremonisë së ndarjes së çmimeve, CNN shkroi se secila prej pemëve ishte zbukuruar me kujdes dhe në mënyrë unike me dorë.
Kameramani e çon shikuesin lart, ku mobiljet si tavolina e punës dhe një shtrat janë të rrethuara tërësisht nga të gjitha anët me dekor festiv.
Jerominët përdorën më shumë se 10,000 zbukurime dhe 300 vargje dritash zanash në projekt.
Aktualisht nuk dihet se sa ka shpenzuar familja për dekorimet.
Në vitin 2019, një gjyshe nga Swansea zbuloi se kishte shpenzuar 15,000 funte për koleksionin e saj prej 2,700 dekorimesh për Krishtlindje, rreth një e katërta e stolive të Jeromin./21Media