Çitaku me kritika ndaj Speciales: Po bën “gjueti shtrigash”
Pas bastisjeve të fundit të Speciales ndaj ish-këshilltarëve të ish-presidentit Hashim Thaçi, ka reaguar nënkryetarja e PDK-së, Vlora Çitaku, e cila ka kritikuar Dhomat e Specializuara në Hagë, duke thënë se po bën “gjueti shtrigash” të shkallës së gjerë në Kosovë.
“Dhomat e Specializuara u krijuan për t’i hetuar pretendimet për trafikim të organeve. Ato tani kanë degraduar në organizimin e gjyqeve të politizuara në Hagë dhe në një ‘gjueti shtrigash’ të shkallës së gjerë brenda Kosovës kundër gazetarëve, ish-këshilltarëve, apo kujtdo me ndonjë lidhje me UÇK-në. Një perversitet i drejtësisë”, ka shkruar Çitaku në platformën “X”./21Media