Cramon reagon pas zbatimit të marrëveshjes Kosovë-Serbi për dokumentet
Pas nisjes së zbatimit të marrëveshjes Kosovë-Serbi për dokumentet për hyrje-dalje ka reaguar edhe raportuesja për Kosovë në Parlamentin Evropian, Viola von Cramon.
Ajo tha se është mirë të shohësh se si Kurti po u qaset qytetarëve në veri të Kosovë në mënyrë transparente.
Sipas raportueses për Kosovë në Parlamentin Evropian vetëm në këtë formë ndërtohet besimi i ndërsjellë në të gjithë Kosovën.
“Është mirë të shohësh se si kryeministri Kurti po u qaset njerëzve në veri të Kosovës në mënyrë transparente. Ne të gjithë duhet të komunikojmë me qytetarët tanë për të zvogëluar boshllëqet në shoqëri por edhe për të zvogëluar sfidat ndëretnike. Vetëm kështu ne mund të ndërtojmë besim të ndërsjellë në të gjithë Kosovën”, Cramon ka shkruar në Twitter.
Good to see that PM @Kurti is reaching to ppl in the North of 🇽🇰 in a transparent way.
We all need to communicate with our citizens to decrease gaps in societies but also to decrease inter-ethnic challenges.
Only so we can build mutual trust across #Kosovo.
Dobro se razumeno! https://t.co/Wv06f8jvVv— Viola von Cramon 🇺🇦🇪🇺 (@ViolavonCramon) September 1, 2022
Që nga mesnata e mbrëmshme në mes Kosovës dhe Serbisë ka nisur zbatimi i marrëveshjes për dokumentet për hyrje-dalje për qytetarët e të dyja shteteve.
Në të gjitha pikat kufitare me Serbinë situata raportohet se është duke shkuar normalisht./21Media