Deklarohet Kurti para seancës
Kurti niset drejt Kuvendit
Mandatari Albin Kurti është nisur drejt Kuvendit të Kosovës, ku sot do të marrë postin më të rëndësishëm në jetën e tij. Kurti është shfaqur mjaft i lumtur, teksa dilte nga banesa për të marrë rrugën për në Kuvend.
“Kemi bërë të gjitha përgatitjet e nevojshme për seancën e sotme me ç’rast synimi ynë është të zgjedhim qeveri të re e cila do të punojë mbarë e mirë sipas programit. Me ekip shumë të mirë të kabinetit. Mbi të gjitha dua t’i falënderoj qytetarët që na mundësuan ditë të tillë me të cilën duam që ndryshimin e madh politik që e bënë më 6 tetor ne si përfaqësues të tyre ta shndërrojmë edhe në ndryshim qeveritar. Ta institucionalizojmë ndryshimin e shkaktuar nga vullneti i popullit”, u shpreh Kurti.
Para seancës, Kurti pritet të takohet me deputetët për t’u dakorduar për ministrinë nga komunitetet. Këtë e bëri të ditur deputeti egjiptian Veton Berisha./21Media
Dëshiron ta dëgjosh këtë lajm me zë?