Departamenti amerikan i shtetit: Do të vazhdojmë presionin për zbardhjen e vrasjes së vëllezërve Bytyqi

SHBA-të do të bëjnë presion për zbardhjen e rastit të vrasjes së vëllezërve Bytyqi.
Zëdhënësi i Sekretarit amerikan të Shtetit Anthony Blinken, Ned Price përmes Tëitterit ka ripostuar reagimin e Ambasadës Amerikane në Beograd, duke thënë se janë bërë 23 vjet pa drejtësi për Yllin, Agronin e Mehmetin.
“Kanë kaluar 23 vite pa drejtësi për tre shtetas amerikanë, Ylli, Agron dhe Mehmet Bytyqi, të ekzekutuar në paraburgimin e policisë speciale serbe. Ne nuk do të harrojmë dhe do të vazhdojmë të bëjmë presion për zgjidhjen e këtij rasti”, ka shkruar Price.
Në reagimin e Ambasadës Amerikane në Beograd i është bërë thirrje Serbisë që të mbajë përgjegjësi për ata që kanë kryer këto vrasje.
“Sot bëhen 23 vjet që kur tre shtetas amerikanë, vëllezërit Bytyqi, u ekzekutuan në paraburgim nga policia speciale serbe. Ne nuk do ta harrojmë këtë krim dhe i bëjmë thirrje Serbisë edhe një herë që të mbajë përgjegjësi për ata që kanë kryer dhe kanë mbuluar këto vrasje”, thuhet në reagimin e Ambasadës./21Media

It has been 23 years without justice for three U.S. citizens, Ylli, Agron, and Mehmet Bytyqi, executed while in Serbian special police custody. We will not forget and will continue to press for a resolution of this case. https://t.co/l1QmiNpYYt

— Ned Price (@StateDeptSpox) July 8, 2022